TOShKENT, 5 noya — Sputnik. O‘zbekiston prezidenti Shavkat Mirziyeyovning qaroriga muvofiq Davlat soliq qo‘mitasi huzurida Fiskal institut tashkil etildi.
Institutda soliqqa tortish va moliyaviy nazorat sohalari uchun bakalavriat va magistratura yo‘nalishlari bo‘yicha kadrlarni kredit-modul tizimi asosida tayyorlanadi, qayta tayyorlash va ularning malakasini oshirish ishlari takomillashtiriladi.
Fiskal institut:
- soliqlar va soliqqa tortish sohasi uchun oliy ma’lumotli mutaxassislar va ilmiy kadrlarni tayyorlash, qayta tayyorlash va ularning malakasini oshirish bo‘yicha tayanch OTM;
- moliyaviy nazorat va audit hamda soliq, moliya va tijorat huquqi, shuningdek iqtisodiyotda axborot texnologiyalari sohalarida kadrlar tayyorlash va yuqori darajada fundamental hamda ilmiy-amaliy tadqiqotlar olib borilishini ta’minlaydigan OTM hisoblanadi.
Institutda o‘quv jarayoni 2021/2022 o‘quv yilidan boshlanadi.
