TOSHKENT, 26 okt - Sputnik. "Sputnik V" vaktsinasi 85 % odamlar tomonidan hech qanday salbiy taʼsirsiz qabul qilinmoqda, dedi Gamaleya nomidagi NITSEM direktori Aleksandr Gintsburg "Rossiya 24" telekanali efirida.
"Vaktsinatsiya qilinayotgan kishilarning taxminan 15%ida vaktsinaning qoʻshimcha salbiy taʼsiri sezilmoqda. Qolgan 85% - odamlar tomonidan hech qanday salbiy taʼsirsiz va qoʻshimcha noqulayliklarsiz qabul qilinmoqda", - dedi Gintsburg.
"Sputnik V" vaktsinasining salbiy taʼsiri sifatida tana harorati 38 gradusga oshishi, bosh ogʻrigʻi, mushaklar ogʻrishi, ukol qilingan joyining qizarishi kuzatilmoqda.
Eslatib oʻtamiz, "Sputnik V" - koronavirusga qarshi dunyoda birinchi yaratilgan vaktsina boʻlib, u 11 avgust kuni Rossiya sogʻliqni saqlash vazirligida roʻyxatdan oʻtgan edi. Vaktsina odam adenovirusi asosida yaratilgan boʻlib, ikki bosqichda inson tanasiga kiritiladi. Vaktsina yaratuvchilari uni koronavirusga qarshi 100% samarali deb taʼriflashmoqda. Vaktsina bolalar va 65 yoshdan kattalar, shuningdek allergiyasi bor, surunkali kasalligi bor kishilarga tavsiya etilmaydi.
