TOShKENT, 26 okt — Sputnik. Fransiya tashqi ishlar vazirligi ayrim musulmon davlatlarining fransuz mahsulotlarini boykot qilishga chaqiriqlarini maqsadsiz deb atadi va bunday harakatlar zudlik bilan to‘xtatish kerakligini ta’kidladi. RIA Novosti xabariga asosan.
"So‘nggi kunlarda Yaqin Sharqning bir nechta davlatlarida Fransiya mahsulotlarini, ayniqsa qishloq xo‘jaligi mahsulotlarini boykot qilishga, shuningdek, Fransiyaga qarshi namoyishlar o‘tkazishga, ba’zi holatlarda ijtimoiy tarmoqlarda nafratli chaqiriqlar ko‘rinishida chaqiriqlar tarqatildi", - deyilgan bayonotda.
Tashqi ishlar vazirligi vakilining so‘zlariga ko‘ra, bu chaqiriqlar Fransiya vijdon erkinligi, so‘z erkinligi, din erkinligi va nafratga bo‘lgan har qanday chaqiriqlarni rad etishni himoya qiladigan pozitsiyani buzib ko‘rsatadi.
"Shuningdek, ular respublika prezidentining 2-oktabr kuni Le Muroda Samuel Pati (o‘ldirilgan o‘qituvchi. - tahr.) bilan vidolashuv marosimida radikal islomga qarshi kurashga qaratilgan bayonotlarni buzib ko‘rsatib, siyosiy maqsadlarda foydalanmoqda”, - deb ta’kidladi TIV vakili.
"Boykot qilish chaqiriqlari maqsadsiz va radikal ozchilik tomonidan mamlakatimizga qarshi qaratilgan barcha hujumlar darhol to‘xtatilishi kerak", deyilgan bayonotda.
