TOShKENT, 24 okt — Sputnik. O‘zbekiston fuqarolarini Rossiyadan olib kelish uchun navbatdagi avtobuslar yo‘lga chiqdi.
RFdan O‘zbekistonga qaytish istagida bo‘lgan fuqarolarni olib kelish maqsadida Transport vazirligi huzuridagi “Uzautotrans service” korxonasi tomonidan 22-oktabr kuni 3 ta avtobus Yekaterinburg shahriga jo‘nab ketdi.
Rejaga muvofiq avtobuslar bugun kechga belgilangan manzilga yetib boradi. Tashkil etilgan maxsus avtobus qatnovi orqali Yekaterinburg, Chelyabinsk, Tumen shaharlaridan jami 150 nafar fuqarolar O‘zbekistonga olib kelinadi.
Maxsus avtobus qatnovlari barcha sanitariya qoidalari va Qozog‘iston hamda Rossiya Federatsiyasi tomonidan qo‘yilgan talablarga qat’iy amal qilgan holda bajarilmoqda.
