TOShKENT, 20 okt — Sputnik. Toshkent shahrida doktoranturaga kirishda yordam berishni va’da qilgan shaxsga nisbatan jinoiy ish qo‘zg‘atildi.
Poytaxt IIBB matbuot xizmati xabariga ko‘ra, Olmazor tumani ichki ishlar organlariga 32 yoshli sirdaryolik D.B. murojaat qilgan. U 2019-yilning noyabr oyida unga doktoranturaga kirishda yordam berishini va’da qilib, va’dasida turmagan 46 yoshli M.T.ga nisbatan chora ko‘rishni so‘ragan. Firibgar xizmatlari evaziga 3 ming dollar olgan.
Holat yuzasidan O‘zbekiston Jinoyat kodeksining 168 moddasi (“Firibgarlik”) bo‘yicha jinoiy ish qo‘zg‘atilgan.
Tergov harakatlari olib borilmoqda.
