TOShKENT, 11 okt — Sputnik. Toshkent shahri Uchtepa tumanidagi savdo majmuasida yirik yong‘in sodir bo‘ldi. Bu haqda poytaxt FVB matbuot xizmati xabar qilmoqda.
Xabarda yoshilishicha, bugun soat 8:49 da tumandagi Farhod ko‘chasida joylashgan “Uchtepa Outlet Centre” savdo majmuasida yong‘in kelib chiqqan.
Yong‘in natijasida majmuaning ichki va tom qismi 1500 kv.m maydonda yongan. Yong‘in-qutqaruv jangovar bo‘linmalari manzilga soat 8:54 da yetib borgan va ko‘rilgan tezkor choralar natijasida yong‘in soat 9:54 da to‘liq bartaraf etilgan. Yong‘in joyiga 10 ta yong‘in-qutqaruv texnikasi jalb qilingan.
V torgovom sentre Uchtepa Outlet proizoshel krupniy pojar
© Press-slujba MChS Uzbekistana
Yong‘in sabablari va yong‘indan keltirilgan moddiy zarar miqdori aniqlanmoqda.
