TOShKENT, 3 okt - Sputnik. O‘zbekistonda koronavirus infeksiyasi qayd etilganlar soni 57 924 nafarni tashkil etmoqda.
Yangi kasallanish holatlari beshta hududda: Toshkent shahrida, Toshkent, Jizzax, Samarqand va Namangan viloyatlarida aniqlangan.
Infeksiyani yuqtirish holatlari koronavirusga chalingan bemorlar bilan muloqotda bo‘lganligi sababli tufayli yuz bergan.
Shu bilan birga, 1 nafar koronavirusga chalingan bemor vafot etdi.
Ayni paytda O‘zbekistonda 54 456 nafar koronavirus infeksiyasiga chalingan fuqarolar (94 foiz) sog‘aygan.
Butunjahon Sog‘liqni saqlash tashkiloti ma’lumotlariga ko‘ra, 2-oktabr holatiga dunyoda COVID-19ga chalinganlar soni 34 milliondan oshgan. Bir milliondan ziyod inson infeksiya qurboniga aylangan.
BSST bosh direktori Adanom Gebreyesusning Jenevada qilgan bayonotiga ko‘ra, dunyo bo‘yicha har hafta taxminan 2 million inson koronavirus infeksiyasini yuqtirib olmoqda.
