TOShKENT, 29 sen — Sputnik. Andijon viloyatida “Volvo” haydovchisi ikki kishininng umriga zomin bo‘ldi. Bu haqda IIV huzuridagi Tergov departamenti xabar qilmoqda.
Yo‘l-transport hodisasi 28-sentabr Buloqboshi tumani “Sanoat” MFY, Gastrol ko‘chasidan o‘tgan “Buloqbosh-Andijon” avtomashina qatnov yo‘lida ro‘y bergan. Qirg‘iziston fuqarosi 28 yoshli haydovchi Sh.L. “Volvo” avtomashinasida harakatlanayotib, boshqaruvni yo‘qotgan va qarama-qarshi yo‘nalishga o‘tib ketgan. So‘ngra yo‘lning chetida harakatlanib kelayotgan piyodalar 10 yoshli B.A. va 3 yoshli K.N.ni bosib o‘tib, shu yerdagi xonadonlarning biriga borib urilgan.
YTH natijasida piyodalar B.A. va Q.N., hamda haydovchi Sh.L.lar vafot etishgan.
Mazkur holat yuzasidan O‘zbekiston Jinoyat kodeksining 266-moddasi 3-qismi “a” bandi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Hozirda jinoyat ishi Andijon viloyati IIB huzuridagi Tergov boshqarmasi ish yurituviga o‘tkazilgan.
