TOShKENT, 20 sen — Sputnik. Bugun davlat va siyosat arbobi, O‘zbekiston Respublikasi bosh vaziri o‘rinbosari O‘ktam Barnoyev vafot etdi.
"Buxoroning ardoqli farzandi, O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari O‘ktam Isoyevich Barnoyev bugun, 20-sentabr kuni koronavirusga chalinish oqibatida 56 yoshida vafot etdi", - deyilgan Buxoro viloyati hokimligi xabarida.
Avvalroq u koronavirusga chalingani va hozirda davolanayotgani xabar qilingan edi.
O‘ktam Barnoyev 2016-yil dekabridan 2020-yil 28-fevraligacha Buxoro viloyati hokimi sifatida faoliyat yuritgan. 2020-yil fevral oyi oxirida bosh vazir o‘rinbosari etib tayinlangan edi. Shuningdek, u iyul oyida O‘zbekiston yilqichilik va ot sporti federatsiyasiga rais etib saylangan edi.
