TOShKENT, 7 sen - Sputnik. Test savollarini rasmga olib tarqatgan abituriyentlar natijasi bekor qilinadi. Bu haqida DTM direktori o‘rinbosari Sardor Rajabov xabar qildi.
“Test sinovlariga telefon olib kirib, savollar kitobini tarqatib yuborilgan holatlar uchramoqda. Savollar kitobini kim tarqatganini aniqlash qiyin emas. Biz test savollarini tarqatgan abituriyentlarni aniqlantiramiz va ularning to‘plangan ballari hisobga olinmaydi, test sinovlaridan chetlashtiriladi”, dedi Sardor Rajabov.
DTM xabariga ko‘ra, shu kunga qadar 78 nafar abituriyent imtihonlardan chetlatilgan. Ulardan 26 nafari telefon va elektron qurilmalar olib kirmoqchi bo‘lgani uchun va yana 2 nafar abituriyent test materiallarini olib chiqmoqi bo‘lgani uchun. Eng ko‘p qoidabuzarlik holatlari Qashqadaryo viloyatida qayd etilgan
So‘nggi ma’lumotlarga ko‘ra, test sinovlari 13-sentabrigacha o‘tkazilishi rejalashtirilgan.
