TOShKENT, 6 sen — Sputnik. Rossiya Qurolli kuchlarining barcha T-72 tanklari T-72B3M modifikatsiyasigacha modernizatsiya qilinadi. Bu haqda Rossiya mudofaa vaziri Sergey Shoygu ArMI-2020 musobaqalari yakunlangan so‘ng jurnalistlarga ma’lum qildi.
Uning so‘zlariga ko‘ra, O‘yinlar bu qarorni qabul qilishga jiddiy turtki bergan.
Rossiya mudofaa vaziri bir necha yil ilgari Xalqaro Armiya o‘yinlarining birinchi musobaqalarida T-72B1 modifikatsiyalari ishtirok etganini ta’kidlagan. Ular yakuniga ko‘ra mutaxassislar ushbu jangovar mashinalarning jangovar samadorligi va mustahkamligini sezilarli oshirishga imkon bergan qator texnik tavsiyalar bergan.
“Natijada o‘z xususiyatlariga ko‘ra qolishmaydigan, balki ba’zi joylari bilan zamonaviy xorij tanklaridan ustun bo‘lgan T-72B3M modifikatsiya paydo bo‘lgan. Mudofaa vazirligi rejalarida qurollanishda bo‘lgan barcha T-72 tanklarini shu modifikatsiyaga qadar modernizatsiya qilish”, - dedi u.
Shoygu T-72B3 tanklarida amalga oshirilgan texnik tavsiyalar ularning harakatchanlik, mustahkamlik va ergonomikasini oshirishga imkon berganini ta’kidladi.
