TOShKENT, 31 avg — Sputnik. Rossiyada olti kishi “Islom davlati”* jangarilari uchun pul to‘plaganlik uchun qo‘lga olindi. Bu haqda Rossiya Federal xavfsizlik xizmati (FSB) matbuot xizmati xabar qildi.
“Moskva, Moskva viloyati, Dog‘iston Respublikasi, Krasnoyarsk o‘lkasi va Xanti-Mansiyk avtonom okrugi hududida ID* ehtiyoji uchun mablag‘ yig‘ish va uni jo‘natishni amalga oshirgan yashirin yacheykaning jinoiy faoliyatining oldini olish amaliyoti o‘tkazildi”, - deyilgan xabarda. Undan RIA Novosti iqtibos keltirgan.
Qo‘lga olinganlardan aloqa vositalari va to‘lov vositalari musodara qilingan. Tergov ma’lumotiga ko‘ra, ular Suriyadagi IShID* jangarilarini moliyalashtirish uchun mahkum qilingan jinoiy guruh a’zolari bilan aloqasi bo‘lgan.
Rossiya Tergov qo‘mitasining xabariga ko‘ra, qo‘lga olinganlar 2016-yildan 2017-yil iyun oyigacha terrorchilarni moliyalashtirish bilan shug‘ullanishgan. Jami ular kamida yarim million rubl to‘plashgan.
Rossiya JKning tegishli moddalari bilan jinoiy ish ochilgan. Tergov harakatlari olib borilmoqda.
* “Islom davlati” (ID, IShID) – Rossiya va qator davlatlarda taqiqlangan terrorchilik tashkiloti
