Bir necha kun oldin IIV va Bosh prokuratura tomonidan O‘zbekistonda miting va namoyishlar o‘tkazish tartibini belgilovchi yangi qonun loyihasi muhokamaga chiqarilgan edi.
Yangi qonun loyihasi ushbu sohada oldin amal qilgan barcha qonunlardan ustun bo‘lib, oldingi normativ-huquqiy aktlar unga moslashtirilishi belgilangan.
Yangi qonun loyihasiga ko‘ra, mitinglar ma’muriy binolar, sudlar, bekatlar va boshqa muhim jamoat obyektlaridan kamida 300 metr uzoqlikda o‘tkazilshi mumkin. Namoyishlar davomiyligi 2 soatgacha bo‘lishi mumkin.
Namoyish o‘tkazish uchun tashkilotchilar 15 kun oldin ariza berishlari kerak.
Namoyishda 16 yoshdan kichik o‘smirlar ishtirok etishi, alkogol yoki narkotik moddalar ta’sirida qatnashish taqiqlanadi.
