TOShKENT, 25 avg — Sputnik. Shayxontohur tumanida 8 yoshli qizaloq issiq suv quvurining temir ustunini ushlashi oqibatida tok urib, vafot etdi, deb xabar qildi Bosh prokuratura matbuot xizmati.
Xabarda aytilishicha, ijtimoiy tarmoqlarda Shayxontohur tumanida 8 yoshli qizaloq elektr toki urishi oqibatida vafot etganligi haqida xabar tarqalgan.
Aniqlanishicha, Shayxontohur tumani, Oqtepa mavzesi, 15-uy oldidagi elektr kabeli ilingan issiq suv quvurida elektr kuchlanishi yuzaga kelgan.
2020 yil 20-avgust kuni 2012-yilda tug‘ilgan voyaga yetmagan qizaloq ushbu quvurining temir ustunini ushlashi oqibatida tok urib, vafot etgan.
Holat yuzasidan 22-avgust kuni Shayxontohur tumani elektr tarmoqlari korxonasi mansabdor shaxslariga nisbatan JKning 207-moddasi bilan jinoyat ishi qo‘zg‘atildi.
Tergov harakatlari olib borilmoqda.
