TOShKENT, 25 avg - Sputnik. Rossiya shifokorlari Aleksey Navalniyning hayoti uchun 3 kun kurashishdi, dedi Rossiya prezidentining matbuot kotibi Dmitriy Peskov.
So‘nggi sutkada Yevropa OAVlarida ayni damda Germaniyaning "Sharite" klinikasida davolanayotgan rossiyalik muxolifatchi Aleksey Navalniy "xolinesteraza ingibitori" bilan zaharlangan bo‘lishi mumkin, ushbu modda "Novichok" va boshqa jangovar zaharlovchi moddalar tarkibiga kiradi, degan xabarlar tarqalgan edi.
Ushbu borada Dmitriy Peskov bir qator g‘arbiy jurnalistlarga quyidagilarni ma’lum qildi:
- Kreml hozircha ushbu voqeani tergov qilish uchun jinoiy asos ko‘rmayapti. Agar zaharlash holati aniqlansa, ish qo‘zg‘atiladi.
- Rossiya shifokorlari germaniyalik hamkorlariga Navalniyning birinchi tashhislari natijalarini berishga tayyor.
- Rossiyalik shifokorlar muxolifatchi hayoti uchun 3 kun kurashdilar va ehtimol ushbu hayotni saqlab qoldilar.
- Kreml, hozir asosiysi Navalniy tuzalib ketishiga yordam berish, deb hisoblaydi.
Eslatib o‘tamiz, rossiyalik muxolifatchi Aleksey Navalniy 20-avgust kuni zaharlanishda gumon qilib Omsk shahar kasalxonasiga yotqizilgan edi. Uning holati og‘ir deb baholanib u jonlantirish bo‘limiga joylashtirilgan. 3 kundan so‘ng u davolash uchun shaxsiy samoyotda Germaniyaga olib ketilgan.
Xolinesteraza ingibitori - kerakli vaqt va kerakli joyda nerv impulslarini bloklash uchun xizmat qiladi. Bu modda farmatsevtika sohasida ham keng qo‘llaniladi. Masalan, ko‘zga tomizuvchi suyuqliklar, turli og‘riqni to‘xtatuvchi plastirlar tarkibida. Shuningdek, mineral o‘g‘itlar tarkibida ham uchraydi.
