IIV ilk bor taqdim etgan statistik ma’lumotlarga ko‘ra, O‘zbekiston qamoqxonlarida salkam 23 ming kishi jazo o‘tamoqda. Respublikada har 100 ming aholi soniga 67 mahbus to‘hri keladi. Dunyo miqyosida bu o‘rtacha ko‘rsatgich. O‘zbekiston 222 davlat ichida 105 o‘rinni egallagan.
O‘zbekistonda jami 43ta jazoni o‘tash muassasasi bo‘lsa, shulardan 18tasi yopiq turdagi qamoqxonalar va 25tasi manzil-koloniyalardir. Bugungi kunda qamoqxona o‘rinlari 56,4 %ga to‘lgan.
IIV xabariga ko‘ra jazoni ijro etish muassasalarida 100 dan ortiq turdagi mahsulot ishlab chiqarilmoqda va mehnatga layoqatli mahkumlarning 80 % ishga jalb etilgan. Mahbuslar o‘tacha maoshi 700-800 ming so‘mni tashkil qilmoqda.
O‘zbekiston qamoqxonalari haqida batafsil infografikamizda tomosha qiling.
