TOShKENT, 18 avg - Sputnik. Markaziy bank xabariga ko‘ra, 2020-yilning birinchi 6 oyida O‘zbekistonga transchegaraviy pul o‘tkazmalari hajmi 3 milliard dollarni tashkil qilgan.
Ushbu miqdor o‘tgan yilning mos davriga nisbatan 217 mln. dollarga yoki 7%ga kamaygan. Vaholanki, bir necha oy oldin, jahonda koronavirus pandemiyasi boshlangan vaqtda ekspertlar 2020-yilda xorijdan pul o‘tkazmalari 50%gacha kamayishi mumkinligini bashorat qilishgan edi.
Xorijga yuborilgan pullar esa 47 mln dollarni tashkil qildi. Bu o‘tgan yilga nisbatan 8%ga kam.
2020 yilning 1-avgust holatiga O‘zbekiston transchegaraviy pul o‘tkazmalari ijobiy saldo miqdori 2,5 mlrd. dollarga yetdi.
