AQSh nima sababdan Belarusga qarshi sanksiyalar haqida o‘ylanib qoldi?

© SputnikPolitolog Yuriy Pochta
Politolog Yuriy Pochta - Sputnik O‘zbekiston
Obuna bo‘lish
AQSh hukumatining Belarusdagi prezidentlik saylovlari atrofidagi vaziyatga munosabati to‘g‘risida yakuniy qarori hali qabul qilinmagan bo‘lsa-da, bu okean ortidan yaqqol signaldir, deydi siyosatshunos, RUDN qiyosiy siyosatshunoslik kafedrasi professori Yuriy Pochta.

Belarusdagi saylovlar erkin bo‘lmagan deb hisoblagan AQSh davlat kotibi Mayk Pompeo ushbu mamlakatga qarshi sanksiyalar, shu jumladan, neft yetkazib berishni to‘xtatib qo‘yishini istisno qilmadi. Shu bilan birga, u ehtimoliy cheklov choralarining maqsadi "Belarus xalqi uchun yaxshi natijaga erishish" ekanligini ta’kidladi.

Siyosatshunos, RUDN universitetining qiyosiy siyosatshunoslik kafedrasi professori Yuriy Pochta, Pompeoning bu so‘zlari - okean ortidan kelgani yaqqol signaldir, deb yozmoqda Sputnik Belarus.

"Jahon jamoatchiligi e’tibori jalb etilib bo‘ldi. Shuning uchun Pompeo, Yevropa Ittifoqi o‘z munosabatini bildirdi, qo‘shni davlatlarning vaziyatdan chiqish yo‘lini izlash rejalari paydo bo‘ldi, Nobel mukofoti laureatlarining chaqiriqlari yangradi ... Va bu endi Lukashenkoga muholifatda bo‘lganlarning katta yutug‘idir. Va endi bu vaziyatni xalqaro maydonlarda ko‘rib chiqilishi boshlanadi, " - deydi Pochta.

Eslatib o‘tamiz, 9-avgust kuni Belarusda prezident saylovlari bo‘lib o‘tdi. Markaziy saylov komissiyasining ma’lumotlariga ko‘ra, g‘alabaga 80 foizdan ko‘proq ovoz to‘plagan, amaldagi davlat rahbari Aleksandr Lukashenko erishdi. Yakshanba kuni kechqurun Minsk va respublikaning boshqa shaharlarida ommaviy norozilik namoyishlari boshlandi. Namoyishchilarni tarqatish uchun huquqni muhofaza qilish idoralari maxsus vositalar va maxsus texnikadan foydalandi. To‘rt kun davomida mamlakatda yetti mingga yaqin odam hibsga olindi.

Yangiliklar lentasi
0