TOShKENT, 2 avg — Sputnik. Marg‘ilon shahrida fuqaro mashina olib qochdi va ikki nafar voyaga yetmagan bolalarni urib bordi. Bu haqda Farg‘ona viloyati IIB xabar qilmoqda.
Ma’lum bo‘lishicha, 31-iyul kuni fuqaro S.O. B.Marg‘iloniy ko‘chasida qarovsiz qoldirilgan S.R.ga tegishli “VAZ-2101” rusumli avtomashinani olib qochgan.
Yangiyo‘l kichik tor ko‘chasida boshqarib ketayotib, qatnov qismini piyoda kesib o‘tayotgan voyaga yetmagan R.A. va T.A.larni urib yuborgan. Ular tan jarohati olib shifoxonaga yotqizilgan. Shifoxonada R.A. vafot etgan.
Mazkur holat yuzasidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi ochilgan. Ayblanuvchiga nisbatan qamoqqa olish ehtiyot chorasi qo‘llanilgan.
