Rossiyada xorijliklar va fuqaroligi boʻlmagan shaxslarning fuqarolik olishini soddalashtiruvchi qonun kuchga kirdi. Unga koʻra, xorijliklar mavjud fuqarolikdan voz kechish talabi bekor qilindi.
"Koʻplab chet el fuqarolari, sobiq Sovet Ittifoqining sobiq fuqarolari, ularning farzandlari u yoki bu sababga koʻra Rossiya fuqaroligini olishni istaydilar. Bular Ukraina, Pridnestrovye davlatlari, yillar davomida iqtisodiy vaziyat normallashmagan davlatlar, masalan, Markaziy Osiyo davlatlari”, - deydi Karimov Sputnik radio efirida.
Uning soʻzlariga koʻra, koʻpchilik Rossiya fuqaroligini olishni istaydi, ammo hammaga ham buni amalga oshirish oson emas. Oldin shunday boʻlgan, hozir ham.
“Joriy qilingan yengilliklar juda oz narsani beradi. Agar Rossiya Federatsiyasi bu odamlar Rossiya hududiga qaytishi va fuqaroligini olishini istaganda, odamlar oʻz qarindoshlarining Rossiya Federatsiyasi hududida tugʻilgan yoki yashaganliklarini isbotlash kerakligi toʻgʻrisidagi talab bekor qilinishi zarur”, - deydi Karimov.
Mutaxassisning fikriga koʻra, bu asosiy toʻsiq hisoblanadi.
“Hammada ham bunday imkoniyat yoʻq, shuning uchun ular vaqtincha yashash uchun ruxsatnoma olish uchun hujjatlarni kvotaga topshirmoqda”, - deb qoʻshimcha qildi Karimov.
