Botirbekov bemorlarni davolash, dori-darmon va karantin haqida

© XSSkoraya pomosh
Skoraya pomosh - Sputnik O‘zbekiston
Obuna bo‘lish
Toshkent shahar sog‘liqni saqlash bosh boshqarmasi boshlig‘i Isabek Botirbekov poytaxtda amalga oshirilayotgan ishlar haqida axborot berdi.

TOShKENT, 23-iyul — Sputnik. Toshkent shahar sog‘liqni saqlash bosh boshqarmasi boshlig‘i Isabek Botirbekov ishtirokida brifing bo‘lib o‘tdi.

Lyudi v zashitnix kostumax provodat seremoniyu pogrebeniya cheloveka umershego ot COVID-19 - Sputnik O‘zbekiston
Koronavirusdan vafot etgan bemorlar organizmida g‘alati o‘zgarishlar aniqlandi

Botirbekovning so‘zlariga ko‘ra, Toshkent shahar SSBB tegishli idoralar bilan hamkorlikda, avvalo barcha shifoxonalardagi vaziyatni to‘liq o‘rgangan holda kasallar uchun qo‘shimcha o‘rinlarni tashkil etish va yetarli sharoitlar yaratishga e’tibor qaratdi.

Poytaxtda koronavirusdan zararlangan bemorlarni davolash uchun 16 ta shifoxonalarda 3580 ta joy-o‘rinda 2796 bemor davolanib kelmoqda. Bemorlarning keskin ko‘payishi munosabati bilan tizimda bir qator muammolar mavjudligi aniqlanib, ularning yechimi borasida uch yo‘nalishda tashkillashtirildi.

“Birinchi yo‘nalish - kasallarni aniqlash va davolash. Ikkinchisi - oziq-ovqat va dori-darmon bilan uzluksiz ta’minlash hamda narx-navoni barqaror saqlash. Uchinchisi -  xavfsizlik va karantin. Tadbirlar davomida, 15-20 iyul kunlari, 10ta davlat hamda 7ta xususiy tibbiyot muassasalarida 2002ta qo‘shimcha o‘rinlar tashkil qilinib, 442 nafar bemorlar joylashtirilishi ta’minlandi”, - dedi SSV vakili.

Toshkent shahar tez tibbiy klinik shifoxonasida bugungi kunda 230 nafar koronavirus kasalligiga gumon qilinayotgan bemorlarni davolashga mo‘ljallangan qo‘shimcha koyko-o‘rin yaratildi hamda 4 dona O‘SV (IVS), 15 ta SIPAP apparati bilan ta’minlanib, davolanish uchun sharoit yaratildi. Aholiga yanada qulaylik yaratish, chuqurlashtirilgan ko‘riklar o‘tkazish maqsadida, har bir tumanda kompyuter tomografiyasiga ega, jami 20 ta xususiy klinikalarda 24 soatlik ish tizimi yo‘lga qo‘yildi. Bir kunda o‘rtacha 850 nafar fuqaro ko‘rikdan o‘tmoqda. Tez tibbiy yordam xizmatlariga 75 ta, sanitariya-epidemiologiya xizmatiga 23 ta “Damas” rusumli avtomashinalar yetkazib berildi.

Kuni kecha Toshkent shahar hokimligi tomonidan maxsus jihozlangan 28 ta Isuzu hamda 2 ta Volkswagen avtomashinasi olib kelindi va bugun tibbiyot muassasalariga tarqatildi. Toshkent Davlat iqtisodiyot universiteti mavjud imkoniyatlardan foydalangan holda, aholiga telefon orqali tibbiy maslahat beruvchi koll-markaz tashkil etildi. Unga Toshkent Tibbiyot akademiyasi, Pediatriya, Stomatologiya, Farmatsevtika institutlari hamda 6 ta tibbiyot kollejlari ko‘ngilli talabali va o‘qituvchilari jalb qilindi. Toshkent shahar Ichki ishlar Bosh boshqarmasi bilan hamkorlikda, davolash muassasalariga qo‘shimcha 220 ta kislorod balonlari olib kelinib, 100 tasi tarqatildi va 120 tasi zahiraga olindi.

Davronbek Jumaniyozov - Sputnik O‘zbekiston
Tanish-bilishlar shifokorlar ishiga xalal bermoqda – Samarqand SSB boshlig‘i

“Toshkent shahar hokimligi tomonidan 5ta hududda kislorod stansiyalari qurish bo‘yicha loyiha hujjatlari tayyorlanib, Turkiyadan uskunalar olib kelinishi choralari ko‘rilmoqda. Xususan, 2020-yil 15-martdan shu kunga qadar, jami tibbiyot hodimlariga 37,5 milliard so‘m mablag‘ miqdorida moddiy rag‘batlantirildi va qo‘shimcha to‘lovlar amalga oshirildi. Toshkent shahridagi 11 ta markaziy ko‘p tarmoqli va 64 ta oilaviy poliklinikalarda bemorlarning dastlabki ko‘rigi uchun barcha sharoit va imkoniyatlar, xususan Rentgen va UZI va laboratoriyalar, eng muhimi – zarur mutaxassislar  mavjud. Shu poliklinikalarda 16 ming nafar xodim xizmat qiladi”, - dedi Botirbekov.

SSBB rahbarining so‘zlariga ko‘ra, poliklinikalarda ishni ikki smenada, shu jumladan yakshanba kunlari ham tashkil qilish belgilandi. Shu bilan birga, 75 ta poliklinikada qo‘shimcha 150 ta mobil guruhlar tashkil qilindi. Bitta mobil guruhiga infeksionist-epidemiolog, va umumiy amaliyot shifokori jalb qilinadi. Dori-darmon va tibbiy buyumlar narx-navosini barqarorligini ta’minlash maqsadida, prokuratura, departament va soliq idoralaridan iborat tuzilgan 11 ta ishchi guruh tunu-kun ishlari yo‘lga qo‘yildi. Shu kunlarda Toshkent shahar hokimligi hamda Toshkent shahar Sog‘liqni saqlash Bosh boshqarmasi tomonidan bepul dori qutilari poytaxt aholisiga tarqatilishi rejalashtirilmoqda.

Yangiliklar lentasi
0