TOShKENT, 18-iyul - Sputnik. O‘zbekistonda sel xavfi e’lon qilindi.
"18-19 iyul kunlari kutilayotgan lokal (mahalliy) yomg‘irlar munosabati bilan Andijon, Namangan Farg‘ona viloyatlarining tog‘oldi va tog‘li hududlarida sel kelishi xavfi bor", - deyiladi O‘zgidromet xabarida.
Noxush holatlar yuzaga kelganda, FVVning 1050 raqamiga murojaat qilish so‘raladi.
Eslatib o‘tamiz, sal oldin "O‘zgidromet" dam olish kunlari butun respublika hududiga xorijiy janubdan issiq va quruq havo tarqalishi, kunduzgi harorat 39-42 darajagacha ko‘tarilishi, bu yoz chillasi uchun meyoriy qiymatlardan 4-6 darajaga yuqori ekanligini xabar qilgan edi.
