TOShKENT, 9-iyul — Sputnik. O‘zbekistonda sirtqi ta’lim 100 foiz masofaviy ta’lim shakliga o‘tkaziladi. Bu haqda oliy va o‘rta maxsus ta’lim vaziri Inomjon Majidov karantin davrida qabul jarayonini tashkil etish masalalariga bag‘ishlangan brifingda ma’lum qildi.
“Sirtqi ta’lim 100 foiz masofaviy ta’lim shakliga o‘tadi. Kechki ta’lim shakli bo‘yicha ishlarni rejalashtirganmiz, qanday vaziyat bo‘lishidan qat’i nazar 50 foiz masofaviyga o‘tadi. Kunduzgi ta’lim borasida qanday yo‘l tutilishi karantin sharoitidan kelib chiqib belgilanadi”, — dedi vazir.
Majidovning aniqlik kiritishicha, hujjat topshirish, ro‘yxatdan o‘tish muddatlari o‘zgarmaydi. Belgilangan muddatlargacha davom etadi.
