TOShKENT, 9-iyul — Sputnik. Jahonda COVID-19ga chalinganlar soni 12 milliondan oshib ketdi. Bu haqda amerikaning Jons Xopkins universiteti xabar qilmoqda.
Universitet ma’lumotlariga ko‘ra, butun dunyoda koronavirusga chalinganlik holatlari 12 007 327taga yetgan, COVID-19 qayd etilgan 548 799 bemor vafot etgan.
Shu bilan birga 6 533 436 kishi sog‘ayishga muvaffaq bo‘lgan.
O‘zbekistonda kuni kecha, 8-iyul kuni, koronavirus infeksiyasi qayd etilganlar soni 11 092 nafarga yetdi.
Respublika Maxsus komissiyasi qaroriga muvofiq, O‘zbekistonda koronavirus bilan bog‘liq epidemiologik vaziyatning yomonlashuvi tufayli karantin choralari keskin kuchaytiriladi.
Respublika hududida 10-iyuldan 1-avgustga qadar karantin choralari keskin kuchaytiriladi: avtotransport harakati va yirik jamoat obyektlari faoliyati cheklanadi.
