TOShKENT, 6-iyul — Sputnik. COVID-19 dan xoli hudud bo‘lgan Farg‘ona viloyatida aholi orasida yangi kasallanish holati qayd etildi.
“2020 yil 6-iyul soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 10284 (+141) nafarni tashkil etmoqda”, - deyiladi Sog‘liqni saqlash vazirligi xabarida.
Yangi kasallanganlarning 118 nafari Toshkent shahrida (shundan 46 nafari koronavirusga chalinganlar bilan muloqotda bo‘lib, karantinga olingan fuqarolar orasida, 72 nafari aholi orasida), 20 nafari Andijon viloyatida xorijdan kirib kelgan va karantinga olingan fuqarolar orasida, 3 nafari Farg‘ona viloyatida aholi orasida aniqlangan.
Shu paytga qadar 6584 nafar koronavirusga chalingan fuqarolar (64 foiz) sog‘aygan.
Hozirda mamlakatda 3664 nafar davolanmoqda. Bugun koronavirusning 36-qurboni qayd etildi.
