TOShKENT, 16-iyun — Sputnik. Qirg‘iziston parlamentining ko‘pchilik koalitsiyasi Kubatbek Boronov nomzodini mamlakat bosh vaziri lavozimiga ma’qulladi. Bu haqda Sputnik Qirg‘iziston nashri xabar qilmoqda.
Uning nomzodini yoqlab barcha deputatlar ovoz bergan.
Boronov 2018-yildan buyon Qirg‘iston bosh vazirining birinchi o‘rinbosari lavozimida faoliyat yuritib kelayotgan edi. 2011-2018 yillar davomida favqulodda vaziyatlar vaziri bo‘lgan.
Eslatib o‘tamiz, avvalroq Qirg‘iziston bosh vaziri Muhammadkaliy Abilgaziyev iste’foga chiqishini ma’lum qilgan edi. U iste’fosini radiochastotalarni sotishdagi korrupsiya haqidagi jinoiy ish bo‘yicha tergovga bosim o‘tkazishda ayblanmaslik bilan izohlagan.
