TOShKENT, 31-may — Sputnik. O‘zbekiston Tojikistonga yangi turdagi koronavirusga qarshi kurashish uchun navbatdagi insonparvarlik yordamini jo‘natdi.
O‘zbekistonning Tojikistondagi elchixonasi matbuot xizmatining aniqlik kiritishicha, insonparvarlik yordami Surxondaryo viloyatidan temir yo‘l orqali Dushanbega olib kelingan.
Bu safar O‘zbekiston Tojikistonga tibbiyot vositalari, oziq-ovqat mahsulotlari, dori-darmonlar, jumladan, 1 000 tonna un jo‘natgan.
Eslatib o‘tamiz, avvalroq O‘zbekiston Tojikistonga 24 tonna dori-darmon yuborgani xabar qilingan edi.
