TOShKENT, 31-may — Sputnik. Jizzax viloyatida 6 yoshli bola yo‘l-transport hodisasi qurboni bo‘ldi. Bu haqda IIV YHXBB axborot xizmati xabar bermoqda.
Qayd etilishicha, 30-may kuni Sharof Rashidov tumani, “Ravalliq” MFY Gulshan ko‘chasidagi xonadonlarning biriga stol va stul olib kelgan “Gaz-69” haydovchisi mashinasini qarovsiz qoldirgan.
Birga kelgan uning 15 yoshli tanishi S.E. avtomobilni o‘zboshimchalik bilan haydamoqchi bo‘lgan. Uni yurgazib, shu uyning oldida o‘ynab yurgan 6 yoshli B.X.ni urib yuborgan.
Natijada B.X. og‘ir tan jarohatlari olib voqea joyida vafot etgan.
Mazkur holat yuzasidan O‘zbekiston JKning 266-modda 2-qismi bilan jinoyat ishi qo‘zg‘atilgan.
