TOShKENT, 28 apr — Sputnik. Pentagon noma’lum uchar jism parvozi aks etgan videoni o‘z saytida joylashtirdi. Lavha 2004-yil noyabr va 2015-yil yanvar oyida jangovar samolyotlar ekipaji tomonidan tasvirga olingan.
Ushbu yozuvda noma’lum uchar obyektlarni ko‘rish mumkin, ular tashqi tuzilishidan na samolyotga, na vertolotga yoki boshqa ma’lum apparatlarga o‘xshamaydi.
"Mudofaa vazirligi ushbu videolavhalarni ommaga namoyish etishda videoning haqiqiyligi yoki boshqa biron bir narsa ekanligi to‘g‘risida noto‘g‘ri tushunchalarni aniqlashtirish maqsadida videolarni e’lon qiladi. Videolarda kuzatilgan uchar obyektlar hanuzgacha "noma’lum" deya tavsiflanadi”, - deyilgan Pentagon bayonotida.
Hill nashrining yozishicha, Mudofaa vazirligi videolarni nashr etish mumkin deb hisoblagan, chunki ularda maxfiy ma’lumot yo‘q. Ma’lumotlarni oshkor etilishi noma’lum uchar obyektlarni keyingi o‘rganishlarga ta’sir qilmaydi. Britaniyaning Guardian gazetasi, aksincha, oshkor etish bunga qonuniylikni berib, shu orqali "insonlarning yaqinda yerdan tashqari mavjudotlar bilan aloqalari to‘g‘risida ko‘proq mish-mishlarni keltirib chiqaradi".
