TOSHKENT, 15 apr — Sputnik. Oʻzbekistonda 14 apreldan dizel yonilgʻisining bir litri 5600 soʻmdan sotiladi. Bu haqda “Oʻzbekneftgaz” AJ matbuot xizmati xabar berdi.
Xabarda yozilishicha, soʻnggi uch oy davomida uning narx deyarli 2 000 soʻmga arzonlashtirilgan.
“Oʻzbekneftgaz” AJ tizimidagi korxonalar tomonidan ishlab chiqarilgan dizel yonilgʻisi bir litrining birjalardagi narxlari 2020 yilning yanvar-fevral oylari (2019 yil davomida oʻrtacha 7300 soʻm) davomida 7500 soʻmlik qiymatni saqlab qolgan edi.
Joriy yilning mart oyida esa dizel yonilgʻisi bir litrining birjalarda eʼlon qilingan narxi 7089 soʻmgacha pasaytirilgan edi.
Eslatib oʻtamiz, ilgariroq Oʻzbekistonda AI-91 markali benzin narxi arzonlashtirilgani xabar qilingan edi.
