TOShKENT, 10 apr - Sputnik. Shanba kuni O‘zbekistonga Eron hududidan nam, lekin iliq havo kirishni boshlaydi, deb xabar bermoqda Gidrometeorologiya markazi.
Kecha mamlakat hududi ustidagi antisiklon quyosh nurlariga havoni isitish imkonini bermagan bo‘lsa, bugun termometr ustunchasi yuqoriga tez ko‘tarilib, soat 10 da kechagi harorat maksimumidan ham o‘tib ketdi.
Bugun harorat 13-18 darajagacha iliydi va butun respublikada ob-havo kam bulutli va quruq bo‘ladi.
Shanba kuni respublikaga Eron hududidan nam, lekin iliq havo kirishni boshlaydi. Ayrim joylarga kuchsiz yomg‘ir yog‘ishi mumkin, faqat Qoraqalpog‘iston, Xorazm viloyati va Farg‘ona vodiysi viloyatlarida ob-havo yog‘ingarchiliksiz bo‘ladi. Havo harorati kechasi 5-8, kunduzi 17-22 darajagacha ko‘tariladi.
Yakshanba kuni respublikaning katta qismida yomg‘ir, ayrim joylarda kuchli yomg‘ir yog‘adi. Momaqaldiroq bo‘lishi mumkin. Qoraqalpog‘istonda, Xorazm va Surxondaryo viloyatlarida ayrim joylarga kuchsiz yomg‘ir yog‘adi, Farg‘ona vodiysida yog‘ingarchilik kutilmaydi. Shamolning tezligi 15-20 m/s gacha kuchayadi, shiddat bilan esganda 23-28 m/s gacha yetadi.
Keyingi haftaning boshida O‘zbekistonda nobarqaror, ayrim joylarda shamolli ob-havo saqlanib turadi. Qoraqalpog‘iston va Xorazm, Navoiy, Buxoro viloyatlaridan tashqari boshqa hududlarda yomg‘ir, ba’zi joyda jala yog‘adi. Kunduzgi harorat 3-5 darajaga pasayadi.
12-14 aprelda respublikaning tog‘oldi va tog‘li tumanlarida sel kelishi xavfi bor.
