TOSHKENT, 1 apr — Sputnik. Oʻzbekistonda koronavirus infektsiyasiga chalingan bemorlarning yana toʻrt nafari butunlay sogʻayib, reabilitatsiyaga chiqarildi. Bu haqda Sogʻliqni saqlash vazirligi matbuot xizmati xabar qilmoqda.
Taʼkidlanishchia, bemorlarning bir nafari BAAning Dubay shahridan, yana bir nafari Turkiyadan kelgan, qolgan ikki nafari esa koronavirus infektsiyasi aniqlangan bemor bilan yaqin muloqotda boʻlgan.
“Ularni sogʻliqni saqlash vaziri Alisher Shodmonov va boshqa masʼullar Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markaziga kuzatishdi”, — deyilgan xabarda.
Shu tariqa Oʻzbekistonda ushbu kasallikdan forigʻ boʻlganlar 12 kishiga yetdi. Koronavirus yuqtirib olganlarning umumiy soni 173 kishi tashkil qilgan.
