TOSHKENT, 1 apr — Sputnik. Qozogʻistonda COVID-19 qurbonlari jasadini yorish taqiqlandi. Bu haqda RIA Novosti xabar qilmoqda.
Xabarda yozilishicha, koronavirus infektsiyasidan vafot etganlarni dafn etish algoritmi tasdiqlangan. Hujjat bilan jasadni yorish va uni qarindoshlariga berish taqiqlanadi
“Algoritmga koʻra, tanani yorish va ularni qarindoshlariga berishga yoʻl qoʻyilmaydi, 3 metrdan kam boʻlmagan masasofadan yaqin qarindoshlari bilan vidolashishga ruxsat beriladi. Shu bilan birga vafot etgan shaxsning tanasi vidolashish joyida bir soatdan ortiq boʻlmasligi lozim”, - degan Qozogʻiston Davlat sanitariya bosh shifokori Ayjan Yesmagambetova.
Qozogʻistonda koronavirus bilan bogʻliq 369 ta holat qayd etilgan. Shundan uchtasi oʻlim bilan yakunlangan. Mamlakatda 16 martdan favqulodda holat rejimi amal qilmoqda. Nur-Sulton va Olmaotada 19 martdan karantin joriy etilgan. Keyinchalik karantin choralari mamlakatning qator boshqa shaharlarida joriy etildi.
