Virus tufayli afg‘on mahbuslarining ozod etilishi jinoyatchilikni kuchaytiradi, deydi Rossiya Afg‘oniston faxriylari ittifoqi vakili Vacheslav Nekrasov.
"Bu bo‘lishi mumkin dahshatlarning nisbatan yengili. Bu bir tomondan koronavirus bilan kurashish vositasi bo‘lsa, boshqa tomondan, Afg‘onistonda jinoyatchilikning umumiy darajasini oshishiga tayyor bo‘lish kerakligini anglatadi", - dedi ekspert Sputnik radiosi efirida.
Uning so‘zlariga ko‘ra, qamoqxonalar yuqumli kasalliklarning tarqalishi o‘chog‘i markazlari bo‘lishi mumkin, virusning Afg‘onistonga kirib kelishi asosan Erondan.
"Gap shundaki, Eronda yashagan minglab afg‘onlar Hirotga deportatsiya qilinmoqda va Eron bugungi kunda dahshatli kasallik nuqtayi nazaridan eng og‘ir joylardan biri", - deya qo‘shimcha qildi Nekrasov.
Uning so‘zlariga ko‘ra, endilikda terrorchilik harakatlarni, Afg‘oniston rasmiy hukumatiga qarshi harakatlarni amalga oshirgan va og‘ir jinoyatlarga aloqador jinoyatchilar ozod etilmaydi, biroq Afg‘oniston fuqarolarining boshqa mamlakatlarga, ayniqsa Pokiston va Eron yo‘nalishlariga kirib borish xavfi saqlanib qolmoqda.
Avvalroq Afg‘onistonda koronavirus tufayli 10 mingga yaqin mahbuslar ozod qilingani xabar qilingan edi.
