TOShKENT, 26 mar – Sputnik. Moskva sog‘liqni saqlash departamenti koronavirusga chalingan bemorlarga uyida davolanishga ruxsat berdi. Bu haqida Mosgorzdravning maxsus buyrug‘i e’lon qilindi.
Agar kasallik jarayoni yengil kechayotgan bo‘lsa, bemorda uni og‘irlashtiriuvchi boshqa surunkali kasalliklar bo‘lmasa koronavirusdan uyida davolanish mumkin. Faqat yoshi 65 dan yuqori bo‘lgan, homilador yoki surunkali kasalliklarga ega bo‘lgan hamda kasallik og‘ir kechayotgan bemorlar – yuqumli kasalliklar shifonasiga yotqiziladi, - deyilgan Mosgorzdrav buyrug‘ida.
Koronavirusdan uyida davolanayotgan bemorlarga quyidagi dorilar tavsiya qilingan: lopinavir va ritonavir, ko‘p suyuqlik ichish, tana harorati oshganda – paratsetamol ichish tavsiya qilingan, deyilgan xabarda.
Xabarda aytilishiga ko‘ra 48 soat ichida ikki marotaba olingan testlar salbiy natija ko‘rsatganda – bemor tuzalib ketgan hisoblanadi.
Eslatib o‘tamiz, ayni damda Moskvada koronavirusga chalinganlar soni 290 kishini tashkil qilmoqda. Ikki nafar bemor ushbu kasallikdan vafot etgan. Ular 88 va 73 yoshli, surunkali pnevmoni kasalligiga chalingan bemorlar bo‘lgan.
