TOShKENT, 19 mar — Sputnik. Moskvada koronavirusga chalingan ayol vafot etdi. U 79 yoshda edi. Ta’kidlanishicha, ayolda surunkali kasalliklar ko‘p bo‘lgan.
Ayol 13-mart kuni shifoxonaga yotqizilgandi, keyinchalik Moskvadagi 2-sonli yuqumli kasalliklar kasalxonasiga jo‘natilgan. U yerda koronavirusga test olingan va unda virus borligi tasdiqlangan.
Ayol izolyatsiya qilinib, davolash ishlari boshlangan. Biroq nafas olish yetishmovchiligi kuchayib bordi.
Shifokorlar ma’lum qilishicha, o‘lim pnevmoniya natijasida sodir bo‘lgan.
Bemorda bir nechta surunkali kasalliklar – diabet (2-toifa), arterial gipertenziya, yurak-qon tomir kasalliklari, o‘pka gipertenziyasi, shuningdek buyrakda tosh bo‘lgan.
Endi bemor bilan muloqot qilgan odamlar aniqlangan, ular shifokorlar nazoratiga olindi.
