TOSHKENT, 13 mar - Sputnik. Tatariston Musulmonlari diniy boshqarmasi koronavirusning tarqalishi munosabati bilan tavsiyalar berdi, unda imomlarga masjidlarda namoz vaqtlarini imkon qadar qisqartirish va qoʻl berish koʻrishmaslik tavsiya etiladi, deb xabar beradi RIA Novosti.
Avvalroq Rossiya musulmonlari diniy boshqarmasi dindorlarga qoʻl berib yoki oʻpishib koʻrishishdan tiyilishni, shuningdek koronavirus tarqalishi bilan bogʻliq vaziyat oʻzgarmaguncha chet elga ziyorat qilishdan bosh tortishni tavsiya qilgan edi.
"Azon va iqomat oʻrtasidagi vaqtni qisqartirish, juma xutbasi va musulmonlar qatnashishi kerak boʻlgan boshqa bayram tadbirlarini, suhbat va Qurbon bayramini qisqartirish tavsiya etiladi", - deyiladi tavsiyalarda.
Shuningdek, imomlarga, namozxonlarga epidemiya paytida oʻzini tutish qoidalari haqida aytib berish va ibodat qilinganidan keyin qoʻl silkitishdan tiyilish tavsiya etiladi.
Namozhonlar uchun tavsiyalar juda odatiydir: virus yuqishi ehtimoli yuqori boʻlgan mamlakatlarga sayohat qilmaslik, tozalik va gigiyena masalalariga alohida eʼtibor berish, vaqti-vaqti bilan xonalarni dezinfektsiya qilish, oʻzini yomon his qilgan taqdirda, darhol shifokor bilan maslahatlashish va gavjum joylarga tashrif buyurmaslik.
11 mart kuni Jahon sogʻliqni saqlash tashkiloti yangi koronavirusning tarqalishini pandemiya deb tan oldi. Dunyoda 110 dan ortiq mamlakatda 125 mingdan ortiq odam yuqtirilgan, ularning aksariyati tuzalib ketgan, ammo 4 mingdan ortiq odam vafot etgan.
Moskvada 19 ta koronavirus holati aniqlandi.
