TOShKENT, 12 mar – Sputnik. Tojikistonda 12-martga o‘tar kechasi zilzila yuz berdi. Zilzila epimarkazi Dushanbedan 82 km uzoqlikda joylashgan, deb xabar qildi Sputnik Tojikiston.
Tojikiston Favqulodda vaziyatlar va fuqaro mudofaasi qo‘mitasida ma’lum qilinishicha, zilzila kuchi Rog‘un yaqinida, 11-martdan 12-martga o‘tar kecha, mahalliy vaqt bilan soat 22:11da sezildi.
Seysmologlarning ma’lumotlariga ko‘ra, Rog‘undan 8 kilometr yaqinida zilzila yuz bergan. Zilzila epimarkazida 3 ball va Rog‘un shahrida 2-3 ball bo‘lgan.
Talofat yoki jabrlanganlar haqida ma’lumot kelib tushmadi.
