TOSHKENT, 5 mar — Sputnik. Chexiya prezidenti Milosh Zeman yana Gʻarb mamlakatlarining sanktsiya siyosati, jumladan, Rossiyaga qarshi behuda ekanini maʼlum qildi.
“Men hamisha nafaqat Rossiyaga qarshi, balki umuman har qanday sanktsiyaning dushmani boʻlganman. Zero, ularni samarasiz deb hisoblayman. Kubaga qarshi sanktsiyalar 50 yil amal qildi. Hech nima oʻzgarmadi, Kastro rejimi hozirgacha davom etmoqda”, - dedi Zeman Slovakiyaning “Pravda” gazetasiga bergan intervyusida.
Rossiya va Gʻarb mamlakatlari munosabatlari Ukraina va Rossiya tarkibiga referendumdan soʻng kirgan Qrim bilan bogʻliq vaziyat bois yomonlashdi. Gʻarb Rossiyani aralashganlikda ayblab, unga qarshi sanktsiya kiritdi. Moskva javob choralarini koʻrdi. Soʻnggi paytlarda YEI mamlakatlarida Rossiyaga qarshi sanktsiyalarni bekor qilish kerakligi borasidagi fikrlar yangramoqda.
