TOShKENT, 4 mar — Sputnik. 4-mart, chorshanba kunidan boshlab Tojikiston poytaxtida masjidlar namozxonlar uchun yopiladi.
Sputnik Tojikiston nashriga shahar masjidlariga qatnaydiganlarning ikki nafari 3-mart kuni xuftan namozi o‘qilgandan so‘ng Shohmansur i Ismoil Somoniy tumanlari imom xatiblari endi ular namozlarni o‘z uylarida ado qilishlarini ma’lum qilishganini tasdiqlagan.
Ularning so‘zlariga ko‘ra, mazkur buyruq hukumat tuzilmasidan fuqarolarni vaziyat haqidagi xabardor qilish uchun kelib tushgan.
“Imom xatib butun dunyo bo‘ylab koronavirus deb ataluvchi yuqumli kasallik tarqalayotgani va u tez odamdan odamga yuqishini aytdi. Amaldorlar bu namozxonlar va ularning oilalari salomatligi maqsadida qabul qilingan vaqtinchalik chora ekanini aytishgan. Biroq odamlar qo‘rqmasligi kerak”, - degan suhbatdoshlardan biri.
Hozirda nashr ushbu xabar yuzasidan hukumatning rasmiy izohini olishga muvaffaq bo‘lmagan.
Eslatib o‘tamiz, O‘zbekistondagi barcha oliy va o‘rta maxsus kasb-hunar ta’limi muassasalarida koronavirus infeksiyasiga qarshi ehtiyot choralari kuchaytirilib, tegishli cheklovlar o‘rnatildi. Barcha xalqaro tadbirlar, olimpiadalar va shu kabi boshqa tadbirlarni ham o‘tkazmaslik va ularda qatnashish uchun chet mamlakatlarga bormaslik choralarini qat’iy ko‘rish vazifalari belgilandi.
