TOShKENT, 24 fev - Sputnik. So‘nggi 30 yil ichida sobiq SSSR respublikalarining aholisi atigi 10 million kishiga ko‘paygan. Bu haqida Migratsiya agentligining matbuot kotibi xabar qilmoqda.
"1989 yilda sobiq Ittifoq hududi aholisi 286 mln., 2019-yilda esa 296 mln. kishini tashkil etgan, ya’ni 10 mln.ga ko‘paygan", - deyilgan xabarda.
Aholisi eng ko‘p miqdorda kamaygan respublikalar bu - Ukraina (-18%), Moldova (-38%), Gruziya (-31%) va Latviya(-28%) bo‘lib chiqdi. Aholi soni o‘sishi bo‘yicha esa mutlaq chempion O‘zbekiston(+67,1%) +14 mln., ikkinchi o‘rinda Tojikiston (+78,6%) +4 mln., uchinchi o‘rinta Turkmaniston (+65,6%) +2,2 mln. kishi.
E’tiborli jihati shundaki, so‘nggi 30-yil ichida sobiq SSSRning faqat musulmon respublikalari aholisi o‘sgan. Yevropa qismida joylashgan respublikalar aholisi kamayishi kuzatilgan.
Rossiya aholisi soni deyarli o‘zgarmagan (-0,4%). Bunda albatta sobiq Ittifoq respublikalaridan ko‘chib kelganlar va yangi qo‘shilgan Qrim aholisini ham hisobga olish kerak.
