Futbol bo‘yicha Yevropa Chempionlar Ligasi kubogi ilk marobata Toshkentga olib kelindi.
UYeFA Chempionlar Ligasi kubogi — bu balandligi 74 sm va og‘irligi 7,5 kg bo‘lgan, ichi oltin qoplamali kumush amforadir. 1955-yildan beri eng zo‘r futbol jamolariga topshirib kelinayotgan kubokning orqa tomoniga turli mavsumlarda g‘olib bo‘lgan klublarning nomlari o‘yib yozilgan. Ta’kidlash joizki, kubokning hozirgi egasi Angliyaning “Liverpul” klubidir.
Tadbirda O‘zbekiston Milliy olimpiya qo‘mitasi prezidenti Rustam Shoabdurahmonov nutq so‘zladi. Taqdimot marosimida O‘zbekistonda xizmat ko‘rsatgan artist Milena Madmusayeva va Umid Isroilov ijrosida UYeFA Chempionlar Ligasi madhiyasining jonli yangragani marosimga o‘zgacha shukuh bag‘ishladi.
Kubok bilan Toshkentdagi “Anhor Lokomotiv” bog‘ida joylashgan “Axelon Karting Club”da 22-23 fevral kunlari suratga tushish mumkin. Shu bilan birga turqator navbatning oldini olish uchun Telegram-bot orqali ro‘yxatdan o‘tish ko‘zda tutilgan.
Batafsil Sputnik videolavhasida.
