TOShKENT, 12 fev – Sputnik. Toshkentda mardikor bozori o‘rniga “Kunlik ishchilar markazi” ochildi, deb xabar qilmoqda Bandlik va mehnat munosabatlari vazirligi.
Xabarda aytilishiga ko‘ra, kunlik ish qidirayotgan odam ushbu Markazda ro‘yxatdan o‘tishi kerak bo‘ladi. Markazda shuningdek ish beruvchilar va taklif qilinayotgan ishlar ro‘yxati ham mavjud.
Vazirlik taqdim etgan ma’lumotlarga ko‘ra, Markazda kutish xonasi va oshxona bor. Shuningdek, ishchilar bu yerda o‘z huquqlari, mehnat xavfsizligi qodalari bilan tanishib chiqishlari mumkin.
