Prezident Murodjon Ahmadaliyevga Tracker va uch xonali uy sovg‘a qildi - foto
Prezident Murodjon Ahmadaliyevga Tracker va uch xonali uy sovg‘a qildi - foto
Sputnik O‘zbekiston
IBF va WBA chempioni bo‘lgan Murodjon Ahmadaliyev O‘zbekistonda tantanali kutib olindi. Bokschiga prezident sovg‘asi sifatida “Tracker” avtomobili hamda Toshkent... 03.02.2020, Sputnik O‘zbekiston
IBF va WBA chempioni bo‘lgan Murodjon Ahmadaliyev O‘zbekistonda tantanali kutib olindi. Bokschiga prezident sovg‘asi sifatida “Tracker” avtomobili hamda Toshkent shahridan uch xonali uy taqdim etildi.
TOShKENT, 3 fev — Sputnik. IBF va WBA chempioni bo‘lgan Murodjon Ahmadaliyev 3-fevral kuni O‘zbekistonga qaytib keldi. Chempion Islom Karimov nomidagi Toshkent xalqaro aeroportida tantanali ravishda kutib olindi, deb xabar qildi Sputnik muxbiri.
Vstrecha boksera Murodjona Axmadaliyeva v aeroportu Tashkenta
Olimpiya shon-shuhrati muzeyida sportchini erishgan g‘alabasi uchun taqdirlash marosimi o‘tkazildi.
O‘zbekiston chempioniga respublika bosh vaziri Abdulla Aripovning shaxsan o‘zi medalni topshirdi. U sportchining ota-onasiga ulg‘aytirgan o‘g‘li uchun minnatdorchilik bildirdi va bu g‘alaba butun O‘zbekiston uchun muhimligini ta’kidladi.
IBF va WBA chempioni bo‘lgan Murodjon Ahmadaliyev O‘zbekistonda tantanali kutib olindi
Ahmadaliyev yoshlarga o‘rnak bo‘layotganidan xursandligini va muxlislarni xursand qilishda hamda ularning ishonchini oqlashda davom etishga va’da berdi. Bokschi bu bilan chegaralanib qolmoqchi emas. Uning so‘zlariga ko‘ra, u O‘zbekistonga keltirishi kerak bo‘lgan yana ikkita kamar bor.
Eslatib o‘tamiz, avvalroq O‘zbekiston prezidenti mamlakat boks sporti tarixida ilk marotaba WBA va IBF yo‘nalishlarida g‘alaba qozongan Murodjon Ahmadaliyevni “O‘zbekiston iftixori” unvoni bilan taqdirlagani xabar qilingan edi.
