TOShKENT, 28 yanv – Sputnik. MIB maoshlarini o‘z vaqtida ololmay kelayotgan 83 nafar xodimning mehnatga haq olish huquqining tiklanishiga yordam berdi. Bu haqda Majburiy ijro burosi matbuot xizmati ma’lum qildi.
28 Yanvar 2020, 19:14
Qayd etilishicha, MIB Kogon tuman bo‘limi Kogon tumanlararo sudining qaroriga asosan “Neftgazqurilishta’mir” AJning 2-son vakillik korxonasidan 2 nafar, “Muborakneftgazmontaj” OAJ qarashli “KIP Montaj Servis” unitar korxonasidan 81 nafar ishchi-xodimlar mehnatga to‘lanadigan ish haqlarini o‘z vaqtida ololmay kelgan.
MIB ushbu xodimlarning jami 748,1 mln. so‘mlik ish haqi va unga tenglashtirilgan to‘lovlarni undirilishida amaliy ko‘mak bergan.
