TOShKENT, 21 yanv - Sputnik. Seshanba oqshomida Bag‘doddagi AQSh elchixonasi yaqinidagi "yashil hudud"ga uchta raketa kelib tushdi, deya xabar beradi RIA Novosti Iroq xavfsizlik idorasidagi manbaga tayanib.
"Elchixonadan havo xavfi signallari eshitilmoqda", dedi manba. Otishmadan jabrlanganlar yo‘q.
So‘nggi kunlarda Iroqdagi Amerika obyektlarini bir necha bor o‘qqa tutildi. Xususan, 14-yanvar kuni Bog‘dod shimolida AQShning harbiy kontingenti joylashtirilgan Al-Taji harbiy bazasi o‘qqa tutilgan edi. Ikki kun oldin esa, Amerika askarlari ijoylashgan Balad harbiy bazasiga ham zarba berilna edi. Otishma natijasida jabrlanganlar yo‘q.
Yaqin Sharqdagi keskinlashuv
Dekabr oxirida Amerika kuchlari Suriya va Iroqdagi shia mazhabidagi Katayib Hizbulloh nishonlariga zarba berganidan keyin Yaqin Sharqdagi vaziyat keskinlashdi.
Shundan so‘ng harakat tarafdorlari Bog‘doddagi Amerika diplomatik vakolatxonasiga hujum boshladilar, so‘ngra AQSh elchixonaga hujum uyushtirishda ishtirok etgan deb hisoblagan Eron generali Kassam Sulaymoniy va Iroq shialari ko‘ngilli qo‘shinlari rahbarining o‘rinbosari Abu Mahdi al-Muhandis Vashingtonning o‘tkazilgan maxsus operatsiyasi natijasida o‘ldirildi.
8 yanvarga o‘tar kechasi Eron AQShning Iroqdagi bazalariga raketa hujumlarini amalga oshirdi, va buni Tehron Sulaymoniyning o‘ldirilishi uchun qasos deb atadi.
