TOShKENT, 14 yanv — Sputnik. Sud Qirg‘izistonning sobiq prezidenti Almazbek Atambayevni qamoqda saqlash muddatini 15-martga qadar uzaytirdi. Bu haqda uning advokati Zamir Jooshev RIA Novostiga ma’lum qildi.
“Bugun majlisda ehtiyot chorasi ikki oyga, ya’ni 15-martga qadar uzaytirildi”, - deya ma’lum qilgan himoyachi.
Uning so‘zlariga ko‘ra, ishni ko‘rib chiqish sudlanuvchilarning advokatlaridan birining betobligi bois boshqa kunga ko‘chirilgan. Keyingi sud majlisi 16-yanvar kuni bo‘lib o‘tadi.
Eslatib o‘tamiz, avvalroq Atambayevga tegishli bo‘lmagan mol-mulk xatlovdan chiqarilgani xabar qilingan edi.
