TOSHKENT, 20 dek – Sputnik. Rossiya Oʻzbekistonga Mi-35M harbiy vertolyotlarni yetkazib berishni boshladi, deb xabar qildi RIA Novosti.
Rossiya va Oʻzbekiston mudofaa vazirliklari kelishuvlariga asosan ikki yil davomida Oʻzbekistonda umumiy hisobda 12 ta Mi-35M harbiy-transport vertolyotlarini yetkazib beriladi.
2019 yil 4-chi chorakda birinchi 4 dona vertolyot yetkazib berish rejalashtirilgan.
“Birinchi vertolyot Oʻzbekiston harbiy qismlardan biriga yetib bordi”, - deb maʼlum qildi agentlik suhbatdoshi.
Harbiy-texnik hamkorlik federal xizmati maʼlumotlariga koʻra, Mi-35M vertolyotlarini yetkazib berish 2017 yilda Oʻzbekiston hukumatiga berilgan davlat eksport krediti asosida amalga oshirilmoqda.
Mi-35M transport va jangovar vertolyoti zirhli texnikalarni yoʻq qilish va quruqlikdagi kuchlar boʻlinmalarini zarba berish tomondan qoʻllab-quvvatlash uchun moʻljallangan. Zamonaviy yuqori aniqlikdagi qurol-aslahalar bilan jihozlangan va turli ob-havo sharoitida jangovar vazifalarni bajarishga qodir. Mi-35M vertolyotlarida harbiy xizmatchilar va texnikani tashish mumkin.
