TOShKENT, 6 dek - Sputnik. Rossiyaning NATOga qo‘shilishi alyansni Vladivostokdan Lissabongacha xavfsizlik transatlantik tashkilotiga aylantirish, yadroviy qurolsizlanish bo‘yicha yangi muzokaralar istiqbolini yaratish, Vashington, Moskva va Pekin o‘rtasida uch tomonlama muloqotni o‘rnatish mumkin bo‘ladi. Bunday fikr bilan Germaniyaning Handelsblatt nashri o‘rtoqlashdi.
Maqola mualliflarining so‘zlariga ko‘ra, Donald Tramp NATOga Rossiyani taklif qilishi kerak.
AQSh prezidentida Rossiya-Amerika munosabatlarida yangi sahifani ochish, Rossiya ishtirokida "tinchlik alyansi"ni yaratishga qaratilgan "sharq siyosati"ni ishlab chiqish imkoniyati paydo bo‘ldi.
Bu Vashington va Moskvaga global xavfsizlik tizimidagi muvozanatni qayta taqsimlash jarayonini boshlash imkonini beradi. Yangi alyansni yaratilishi NATOni mustahkamlaydi, chunki Moskva endi "dushman" sifatida qabul qilinmaydi, balki Yevropa xavfsizligining kafolati bo‘ladi.
Nashr ta’kidlashicha, bunday siyosatning samaradorligi uchun Trampga o‘ziga xos “norman formati” deb nomlanadigan dadil diplomatiya zarur bo‘ladi. Bunda Minsk kelishuvlarini bajarish majburiy bo‘lishi kerak.
Mualliflar NATOning yangi shartnomasida Qo‘shma Shtatlar, Rossiya va Yevropa mamlakatlariga Yevropadan tashqarida xavfsizlik masalalari bo‘yicha turli fikrlarga ega bo‘lishga imkon beradigan bandni kiritish kerakligini tushuntirishdi.
Ular Brussel yangi alyans poytaxti bo‘lib qolishi kerak, ammo Rossiyada ikkinchi shtab qarorgohini tashkil qilish mumkin, degan fikr bildirdilar.
