TOShKENT, 1 dek - Sputnik. Estoniya hukumati “Rossiya segodnya” XAAni mamlakatdan siqib chiqarishga qasddan urinmoqda. Agentlik xodimlarining aksariyati respublika fuqarolari bo‘lishga qaramasdan turli choralar ko‘rmoqda.
Agentlik matbuot xizmati jurnalistlarga to‘g‘ridan-to‘g‘ri bosim o‘tkazishdan tashqari mediaguruhning moliya ishlariga xalaqit qilish holatlari ko‘payganini ma’lum qildi.
“2019 yilning oktabr oyi oxirida xalqaro bank guruhlarining eston filiallari “Rossiya segodnya” XAAning Sputnik Estoniya xodimlariga maosh o‘tkazmalari, ofis ijarasi uchun soliq to‘lovlari va ijara to‘lovlarini muzlatib qo‘yishdi. Agentlik murojjat etgan Estoniyaning boshqa banklari ham ushbu operatsiyalarni o‘tkazishdan bosh tortdi. Bularning hammasi pul o‘tkazmalar Sputnik᾽ning Estoniyadagi qariyb to‘rt yillik faoliyati davomida mahalliy banklarda savol tug‘dirmagan vaqtda ro‘y bermoqda”, - deyiladi xabarda.
Ta’kidlanishicha, bank tuzilmalariga va Sputnik᾽ning Estoniyadagi kontragentlariga bosim Estoniya Respublikasi politsiya departamenti va chegara xizmatining davlat “Pul yuvish to‘g‘risidagi ma’lumotlar burosi” (RAB) tomonidan o‘tkazilmoqda.
“Hozirda “Rossiya segodnya” XAAning barcha tranzaksiyalari Estoniyadagi kontagentlariga (xodimlarga maosh, soliq nazorati, ijaraga beruvchi) mahalliy banklarning hisoblarida bloklanib, muzlatib qo‘yilmoqda – kontragentlarning hisob raqamiga o‘tkazilmayapti va “Rossiya segodnya” XAAga qaytib kelmayapti. Sputnik᾽ning Tallindagi ofis ijaraga beruvchisi tahririyat rahbarini ijara shartnomasi bir tomonlama bekor qilinishi haqida xabardor qilgan”, - deyiladi xabarda.
Hozirgi kunda Estoniya hududida Sputnik axborot agentligi va radiosi ofisi joylashgan yagona Boltiqbo‘yi respublikasi sanaladi. Agentlikda 35 nafar xodim ishlaydi, shulardan 33 nafari Estoniya fuqarolari. Ular belgilangan tartibda “Rossiya segodnya” XAA bilan mehnat shartnomasini tuzilgan. Agentlikning har oylik Estoniya budjetiga soliq to‘lovi qariyb 30 ming yevroni tashkil etadi.
